Ospital bat ireki berri dute Eibarren

Kronikoentzako erietxea izango da hau eta 72 ohe izango ditu. Datorren astean martxan jarriko dituzte zerbitzu batzuk

Eusko Jaurlaritzak 31 milioi euro inbertitu ditu kronikoentzako ireki berri den Eibarko ospitalean. 72 ohe izango ditu ospitale berri honek eta datorren astean martxan jarriko dituzte zerbitzu batzuk. Kronikoentzako erietxea izango da baina lehen arreta eta kanpoko kontsultak izango ditu ere.

Iñigo Urkullu Eibarreko ospitalearen irekieran.

Horrez gain, ospital honen irekiera ofizial honek Iñigo Urkullu lehendakariaren presentzia izan du. Euskal Autonomi Erkidegoko lehendakariak honako hau adierazi du: "Eusko Jaurlaritzak azken bi urteetan 131 milioi euroren inbertsioa egin du osasun azpiegituretan eta puntako ekipamenduetan. Osasun zerbitzu publiko, unibertsal eta kalitate onekoan aurrerapauso bat ekarriko du erietxe berriak."

Ospitaleak 21.000 metro koadro ditu, eta eskualdeko zein inguruko herrietako 75.000 herritarrei emango die zerbitzua, datorren astelehenetik aurrera. Hala ere, ospitalizazioak ez dira datorren astean hasiko, beranduago hasiko dira. Urriaren 29an, martxan jarriko dituzte lehen mailako arreta eta buru osasunerako zerbitzua.

Feministon Herria egingo dute Bilbon, urriaren 27an

Emakumeon Mundu Martxaren XI.Nazioarteko Topaketa egingo da datorren astean Bizkaiko hiriburuan, hori dela eta hainbat ekitaldi antolatu dituzte

Feministon Herria eguneko ekitaldi nagusia urriaren 27an goizean egingo den Alternatiba Feministaren Azoka izango da. Bilbon izango da eta bizkaiko hiriburura gerturatzen direnak Euskal Herrian martxan dauden proiektu feministak ikusteko aukerak izango dituzte. Guztien helburua da Euskal Herri feminista bat lortzea.

Argazkia: Luis Jauregialtzo, Foku.

Horrez gain, Emakumeen Mundu Martxako kideekin gosaria, herri bazkaria eta manifestazioa, herri bazkaria eta manifestazioa egongo dira urriaren 27an. Mobilizazioa Arriaga plazan hasiko da eta leloa, "Batu indarrak, urrutira goaz" izango da.

Urriaren 22tik 28ra Emakumeon Mundu Martxaren XI.topaketak egingo dira Bilbon, hori dela eta antolatu dute Feministon Herria eguna. Gainera, urriaren 22an harrera egingo diete mundu osotik topaketara etorriko diren ordezkariei, Areatzan topatuko dira 17:15ak aldera.